TORRA!

Nuscos de lidone

mi carrat

s’imbattu tébiu de maju

e sònnios d’alchimissa.

S’incheremit

su sole-pappàile

cun cheas de coraddu

sighinde s’ùltimu ‘olu

de chentu caos nîdos

infattu a una ‘ela...

Cun conchizos d’isteddos

una corona sesto

in s’oru ‘e su mare

e, tènnera, sa Luna

ranos de melagranada

mi porrit cori-allutta.

S’isettu est unu poju

de terrafodda ingurda...

est tìntula lambrida

chi punghet e tosconat

che ispina de dimóniu!

Ma Tue*, o jana ‘e mele,

cavani-ruja jana,

mamidda ammajadora,

torra a sa ‘ena mia

sicca

cun su risittu in laras

e tùdalas sas fiaras

cun rios de lentore!

Torra...o in tempesta

mudas s’afficu meu!

Torra...

nessi nottesta,

jana ‘e sas janas,

ojos d’aranzu, torra...

o s’’oltat su lidone

in tristu ‘ardu-reu,

sa rosa in usciareu!

Tue... : S’ispirassione poetica.

RITORNA!

Profumi di corbezzolo

mi porta

la tiepida brezza di maggio

e sogni di lavanda.

Si nasconde

il sole-papavero

con occhi di corallo

dietro l’ultimo volo

di cento bianchi gabbiani

che inseguono una vela...

Con conchiglie di stelle

intreccio un rosario

sulla riva del mare

e, tenera, la Luna

chicchi di melograno

mi porge con occhi di passione.

L’attesa è un lago

di avide sabbie mobili…

 è ingordigia di zanzara

che punge ed avvelana

come l’aculeo di un’agave!

Ma Tu*, o fata di miele,

fata dalle guance rosse,

mammella ammaliatrice,

ritorna a questa mia sorgente

inaridita

col sorriso sulle labbra

e spegnine l’arsura

con fiumi di rugiada!

Ritorna...o muterai in tempesta

ogni mia attesa!

Ritorna...

almeno stanotte,

fata delle fate,

occhi di arancia, ritorna...

o si cangerà il corbezzolo

in triste cardo selvatico,

la rosa in freddo asfodelo!

Tu… : L’ispirazione poetica