|
Tersite
(Cŕntigu
II – Ott. 43-53) Si
cagliesin pustis tott'umpare pro
retzire giara una risposta. Non
finiat perň de craccagliare tales
Tersite, chi, a bell'apposta, sighiat
custu o cuddu a inzulzare, dae
s'isgarzu e cun fŕccia tosta belenu
a tragonŕia bombitende, bastat
de 'ider sa zente riende! Fit
Tersite 'e sos gregos cumbattentes su
pius feu de cara e de pizu: anchifŕlchinu
e toppu, pariat fizu burtidu
da' monincas e serpentes! Zumbosu
addaenanti, cun sas dentes grogas
a su molente in assimizu, pigottosu,
ispilidu, ojitortu, lanzu
che' s'iscarenu d'unu mortu! In
minisprétziu mannu e in disdignu l'aian
sos eroes d'Ilione e
Achille e Ulisse cun rejone, ca
non fit ómine 'e rispettu dignu! Che
cane arrajolidu cun impignu fit
appeddende contr'a Agamennňne e
chena timer nudda, irrispettosu, li
naraiat cun tonu felosu: -O
Atride, e de ite ti lamentas? Forsi
su brunzu ti mancat o s'oro?
|
Féminas
nd'asa, ma non t'accuntentas... gai
nos surzis meuddos e coro! Non
che los mandas a domos insoro duncas
sos Gregos? Inoghe ausentas? E
ponetilos sutt'a sas munneddas custos
eroes...giŕ sun femineddas! Viles,
barrosos e inneuddados semus
tottu, s'a domo non torramos! Cun
pagos maccos cherveddioltados prît'est
ch'inoghe non l'abbandonamos? Sos
aggiudos intantu chi li damos benin
in malu modu cumpensados! Tue
'e sa pedde nostra non ti curas e
solu sas ricchesas t'asseguras! A
un'eroe d'isse pius forte l'azis
bidu e intesu su ch'at fattu! Su
prémiu 'e tantas gherras, malasorte, leadu
bi nde l'at a disbarattu! Pro
li torrare caldu su piattu li
fit déghida in s'ora mala morte e,
invece, che legu e imbecille finas
mustradu s'est cun isse Achille! Si
aeret Pelide valutadu s'affrontu
istogamosu ch'at retzidu, cun
s'ispada l'aiat infeltzidu e-i
s'ůltimu abusu fit bistadu! Ma
finas cun s'eroe prus famadu boltadu
s'est che lupu inferotzidu! Duncas
uměles sa fronte, o soldados, oe
e sempre grunade e...cagliados!-
|
| Addaesegus / Indietro - ILIADE |