SOS OJOS TUOS

Abba giara de ‘ena

sos ojos tuos tuvuccos

a s’avréschida noale.

Ventanas lentoradas

ue s’attruman

disizos de lughe

a tremuleu

e chentu giuas lean fua

dillos chirchende d’amore

e de fortuna.

Su cannedu s’isbóidat

e mizas d’alas

faghen corte a su sole

pro a tie.

Piùere non suppesat

su ‘entu pes d’ambaghe

e s’ùnfiat de ternura

s’unda de su trainu

ammajarzada.

O nuscos beraniles...

cant’est birde s’ispiga

‘e cussa tanca!

Non gioghittat su tempus

cun sa rena

intro ‘e giarias bìdrinas!

A pes tuos ajallu

che catteddu ingiogatzadu

manos isettende de carignos

e laras de consolu.

O abe, abe dicciosa...

galu oje as a isterrer bolu

subr’a fiores de oro, che a tie

pintos de lughe ‘e chelu,

e che deris, mue e rie,

m’as a passare accanta

d’inghìrios tessinde sas aeras.

Subr’a custu ‘ardu meu

non pedo ‘e ti pasare,

ne mele ‘e mi frigare

in sas feridas...

Sighi su ‘olu...sighi...

a mie bastat solu

chi pr’un’iscutta ebbia

sos ojos tuos bortes,

dicciosa, a s’ala mia.

I TUOI OCCHI

Acqua chiara di sorgente

i tuoi occhi profondi

alle prime luci del giorno.

Finestre bagnate di rugiada

dove si accalcano

tremuli desideri

di luce

e cento criniere s’involano

cercando danze d’amore

e di fortuna.

Si svuota il canneto

e mille ali

incoronano il sole

per te.

Non solleva più polvere

il vento dai piedi di bambagia

e si gonfia di tenerezza

l’onda del ruscello

ammaliata.

Che aromi primaverili...

com’è verde la spiga

di quel campo!

Non giocherella più il tempo

con la sabbia

nelle clessidre trasparenti!

Eccolo ai tuoi piedi

come un cucciolo festoso

che cerca moine di carezze

e labbra consolatrici.

O ape...ape fortunata…

anche oggi stenderai le ali

sui fiori dorati,come te

dipinti di luce solare

 e, sibilando e ridendo,

mi sfiorerai come ieri

tessendo l’aria di voli.

Sopra questo mio cardo

non chiedo di posarti,

né di massaggiarmi col miele

le ferite...

Vola...sèguita a volare...

a me basta

che soltanto per un attimo

tu volga, o fortunata,

i tuoi occhi verso di me.