|
Sa
Luna e su carrabusu
(Duru-duru pro Antoneddu)
Duru-duru, duru sia…
como drommit Antoneddu
e da’ Chelu un’Angheleddu
lestra li giamat sa tia.
Duru-duru, duru sia!
Pro chi che siat s’iscuru
li frisciamos sa ventana
e s’istella pius galana
como nde l’’attimos puru.
Sia duru, duru-duru!
Angheleddu, a chimbe puntas
dae chelu bi la fala!
Che s’anderat a sa gala
d’oro e seda la trapuntas!
Duru-duru, a chimbe puntas!
Milla, ajalla! In cabitana
li ponimos cust’istella.
de abberu sa prus bella
lumenosa e risulana!
Duru-duru, in cabitana!
Anninnia, anninnia,
anninnia in su brassolu,
pro chi drommat a consolu
custa prenda in domo mia!
Duru-duru, anninnia!
Che los serra, lizu ‘e
oro,
sos ojittos delicados!
Faghe sonnos incantados
chi t’ispàntene su coro!
Duru-duru, lizu ‘e oro!
In su nidu, puzoneddos,
galu ‘ois reposade;
chelos lìmpios sonniade,
iscagliola e bermigheddos !
Duru-duru, puzoneddos!
Su sarrone aizu-aizu,
chiguledda nde lu tzessa
pro chi forsis bi resessa
a drommire custu fizu!
Duru-duru, aizu-aizu!
Tue, dulche aeresitta,
de friscura lu consola:
lèbia avantza ‘ola-‘ola,
mi’ ch’est custa sa domitta!
Duru-duru, aeresitta!
Pro sa chedda, bervegarzu,
chirca bonu meriaghe,
pustis sutt’a cuss’umbraghe
sònnia padros d’avenarzu!
Duru-duru, bervegarzu!
Antoneddu non nd’at gana
mancu ‘e si ch’ingalenare!
Sas contàscias iscultare
cheret prima ‘e Massiana!
Duru-duru, non nd’at gana!
Sa tia a su nebodeddu
tando nde li contat una:
s’amoronzu de sa Luna
cun unu Carrabuseddu!
Duru-duru, nebodeddu!
Rodulende a punta in susu
in una ‘arzola ‘entosa
una boccittedda ‘e… cosa
si fit unu Carrabusu.
Duru-duru, a punta in susu!
Li serviat pro sa chena,
ma fit de pagu appititu,
ca s’intendiat traittu
da’ una Tzecca conchilena!
Duru-duru, pro sa chena!
Fin umpare fintz’a maju
sonniende dulche vida,
pustis che li fit fuida
cun unu puddedru ‘aju!
Duru-duru, fintz’a maju!
De restare sempre ‘ajanu
dae cuss’istranguglione
lesit sa detzisione…
dae féminas lontanu!
Duru-duru, sempre ‘ajanu!
Finas pariat cuntentu
a sa sola ‘e si nd’istare;
antzis padre ‘e si ch’intrare
fit pensende in su cumbentu!
Duru-duru, fit cuntentu!
Ma sa notte, pro fortuna,
subr’a cudd’arzola’entosa,
tunda, nódida e pomposa
s’accerésidi sa Luna!
Duru-duru, pro fortuna!
Dae francas sa boccitta
li fuesit a s’ispantu
e sa Luna (oh, incantu!)
li faghiat de cabitta!
Duru-duru, sa boccitta!
In sas venas Carrabusu
s’intendesit frua noa;
ma a tentare cudda proa
non si la sentiat prusu!
Duru-duru, Carrabusu!
S’ammentesit, dolumannu,
de sa Tzecca traittora
e su tragu ‘e tando ancora
lu ponzesit in affannu!
Duru-duru, dolumannu!
Ma li nesit Cari-groga
tristu ‘idéndelu e delusu:
-Dae coro, Carrabusu,
sa tristura che la ‘oga!
Duru-duru, Cari-groga!
Mira in chelu sas istellas:
paret nos fettan s’ojittu!
De su grìgliu beneittu
inte’ sas cantones bellas!
Duru-duru, sas istellas!
Deo puru sola-sola
in sa vida so che a tie:
giro e giro, notte e die,
de su chelu in cust’arzola!
Duru-duru, sola-sola!
Dae cando fora ‘e pare
cun su Sole so ‘essida,
lùttiat fogu sa ferida,
ne m’agabbat a cunzare!
Duru-duru, fora ‘e pare!
Chi torremos non bi creo,
s’est chi nos amus promissu
chi si ‘ess’’eo fuit issu,
s’’essit issu mi ch’and’’eo!
Duru-duru, non bi creo!
Sas primas nottes, oddeu,
finas timia s’iscuru
e, a boltas, como puru
timet custu coro meu!
Duru-duru, oddeu-oddeu!
Da’ s’andàina
‘e su chelu
bido montes, baddes, rios,
ma intr’’e sos ojos mios
che in coro b’est su gelu !
Duru-duru, pro su chelu!
Ma sa vida est deasie,
cheret chi mi nd’accunorte!
Carrabusu bonu e forte,
e it’est chi nas a mie?-
Duru-duru, est deasie!
-Sorre cara, Luna amada,
s’est chi patis tue puru,
ti la canto a duru-duru
sa prus bella serenada!
Duru-duru, Luna amada!
Duru-duru, ànima mia,
ca torrende est su ‘eranu
e s’amore fittianu
a nos fagher cumpagnia!
Duru-duru, ànima mia!
Ti nd’accosta, Cari-tunda,
nde lu tzessa s’anda e torra,
unfiende sa pettorra
m’est s’Amore che un’unda!
Duru-duru, Cari-tunda!
Cantas nottes, dulche istella,
in su t’’ider a passizu
m’est bennìdu su disizu
de ti narrer chi ses bella !
Duru-duru, dulch’istella!
In giardinos non b’at
rosa
che a tie profumada!
Babbautzas non bi nd’ada
che a tie geniosa!
Duru-duru, non b’at rosa!
S’a de notte in cust’arzola
atturundo boccitteddas,
no est pro Carrabuseddas
chi las fatto… ti consola!
Duru-duru, in cust’arzola!
Como l’ischis su chi bramo,
su chi pedo pro sa vida…
de repiter:-O dechìda,
t’amo, t’amo, t’amo e t’amo!
Duru-duru, su chi bramo!
Ma it’est su chi so nende?
Luna santa, mi perdona!
Non t’inchietes, sias bona…
ti nd’abbiza, so bugliende!
Duru-duru, ite so nende!
Tottu paris su cherveddu
si mi det esser tzoccadu !
De sa Luna innamoradu
s’est unu Carrabuseddu!
Duru-duru, su cherveddu!
Bella ses tue e galana,
tunda, manna, ‘e prata e oro !
Deo pìghidu che moro!
Tue in chelu, ‘eo in sa tana!
Duru-duru, ses galana!
Mezus bae, sorre cara,
lu perdona a Carrabusu!
Non ti l’ap’a fagher prusu
sa proposta de issara!-
Duru-duru, sorre cara!
Pustis pagu a turundare
lesit isse sa boccitta;
abbasciesit sa cabitta…
si cheriat sutterrare!
Duru-duru, a turundare!
Ma li nesit sa padrona
de sa notte a coro in manu:
-Non fit su Sole galanu
che a tie, ànima ‘ona!
Duru-duru, sa padrona!
Dae chelu si pottera
finas a terra falare…
t’aia chérfidu abbratzare!
Ma est solu una chimera!
Duru-duru, si pottera!
Carrabusu nieddittu,
tue abbertu intr’’e su coro
m’as noellos sònnios d’oro!
Sempre sias beneittu!
Duru-duru, nieddittu!
Si che torras cras a sero,
a cust’ora so inoghe:
non t’impudes, betta ‘oghe,
solu a tie cunsidero!
Duru-duru, cras a sero!
Gai fintz’a ponner grina
arrejònamos in pasu!
Adiosu! - E unu ‘asu
li mandesit sa Reina!
Duru-duru, a ponner grina!
Duru-duru, duru sia…
su contadu ch’est cumpridu!
Antoneddu s’est drommidu
e cuntenta nd’est sa tia!
Duru-duru, duru sia!
Sia duru, duru-duru…
custu est contu pro piseddos,
lunas e carrabuseddos
e finas pro… Mannos puru!
Sia duru, duru-duru!
|
La
Luna e lo scarabeo
(Duru-duru per Antonio, mio figlio)
Duru-duru, duru sia…
adesso Antonio va a dormire
e dal Cielo un’Angioletto
chiama per lui subito la zia!
Duru-duru, duru sia!
E perché ci sia l’oscurità necessaria
chiudiamo pure la finestra
e la stella più avvenente
portiamo tutta per lui!
Sia duru, duru-duru!
Angioletto, portagli dal Cielo
quella stella a cinque punte!
E ornala di seta e di oro
come se debba andare ad una festa di gala!
Duru-duru, a cinque punte!
Eccola, eccola qua! Al capezzale
sistemiamo questa stella
che è per davvero la più bella di tutte,
luminosa e sorridente!
Duru-duru, al capezzale!
Ninna nanna, ninna nanna,
ninna nanna nella culla,
perchè dorma tranquillo
questo fiorellino a casa mia!
Duru-duru. ninna nanna!
Chiudi gli occhietti delicati,
chiudili, giglio d’oro!
Fa’ dei sogni incantati
che ti addolciscano il cuore!
Duru-duru. giglio d’oro!
Anche voi, uccellini,
riposate nel vostro nido,
sognate cieli limpidi,
scagliola e vermetti!
Duru-duru, uccellini!
Cessa per un attimo, o cicala,
la tua incessante tiritera
e così vediamo se riesco
ad addormentare questo figlio!
Duru -duru, per un attimo!
E tu, dolce brezzolina,
consolalo con tua freschezza,
avanza volando leggera,
è questa la sua casetta!
Duru-duru, brezzolina!
Cerca per il tuo gregge, o pastore
un luogo fresco per il meriggio
e poi all’ombra di un albero
sogna anche tu pascoli erbosi!
Duru-duru, o pastore!
Antoneddu però non ha voglia
di assopirsi, manco appena!
Vuole prima ascoltare
i racconti di Emerenziana!
Duru-duru, non ha voglia!
E allora la zia ne racconta
uno al suo diletto nipotino:
l’innamoramento della Luna
con un piccolo Scarabeo!
Duru-duru, nipotino!
Ad arrotolare e spingere verso l’alto
in una aia ventosa
una piccola pallina di… roba
era intento uno Scarabeo.
Duru-duru, verso l’alto!
Era il cibo per la cena
sebbene avesse poco appetito
perché si sentiva tradito
da una Zecca testamatta!
Duru-duru, per la cena!
Avevano vissuto assieme fino a maggio
sognando una vita beata,
poi però gli era scappata via
con un poledro baio!
Duru-duru, fino a maggio!
Di rimanere sempre scapolo
dopo quella brutta avventura
aveva preso la decisione…
lontano per sempre dalle donne!
Duru-duru, sempre scapolo!
Sembrava finanche contento
di quello starsene solo;
anzi stava anche pensando di farsi
frate e di entrare in convento!
Duru-duru, era contento!
Ma una notte, per fortuna,
sopra quell’aia ventosa,
tonda, bianchssima e avvenente
si affacciò la Luna!
Duru-duru, per fortuna!
Dalle zampette gli cadde
la pallina come per incanto
e la Luna (oh, meraviglia!)
gli faceva cenno con la testa!
Duru-durru, la pallina!
Nelle vene Scarabeo
si senti scorrere una linfa nuova;
ma a riprovare con una dichiarazione
d’amore non sa lo sentiva proprio!
Duru-duru, Scarabeo!
Gli venne in mente, con gran dolore,
la vicenda della Zecca traditrice
e il dolore di allora
gli provocò nuovamente tanto affanno!
Duru-duru, con gran dolore!
Ma gli disse Visino-giallo
nel vederlo triste e deluso:
-Dal cuore, Scarabeo,
allontana la tristezza!
Duru-duru, Visino-giallo!
Guarda le stelle del cielo
sembra proprio che ci facciano l’occhiolino!
Del grillo benedetto
ascolta le belle melodie!
Duru-duru, oh, le stelle!
Anche io, sai, sono sola
nella vita, proprio come te:
giro e rigiro, notte e giorno,
in questa grande aia del cielo!
Duru-duru, sono sola!
Da quando mi sono
separata dal Sole,
sgocciola fuoco la mia ferita.
ne riesce a cicatrizzarsi!
Duru-duru, separata!
Ne credo che possiamo rimetterci assieme,
se ci abbiamo promesso l’un l’altro
che quando mi affaccio io, lui scappa,
e quando esce lui, sono io ad andarnene!
Duru-duru, non ci credo!
Le prime notti, povera me,
avevo perfino paura dell’oscurità
e, a volte, ancora adesso
questo mio cuore prova spavento!
Duru-duru, povera me!
In questo peregrinare per il cielo
vedo monti, valli, fiumi,
ma dentro i miei occhi
c’è tanto gelo, come pure nel cuore!
Duru-duru, per il cielo!
Ma la vita, purtroppo ,è così,
occorre che mi faccia coraggio!
Scarabeo, buono e forte,
e tu che cosa hai da dirmi?-
Duru-duru, è così!
-Sorella cara, Luna amata,
giacché anche tu soffri come me,
ti canterò a duru-duru
la più bella delle serenate!
Duru-duru, Luna amata!
Duru-duru, anima mia,
primavera sta tornando
e l’amore ancora una volta
a farci compagnia!
Duru-duru, anima mia!
Avvicinati, Visino-rotondo,
e cessa per un attimo quest’andirivieni,
si sta gonfiando d’Amore
il mio petto, come un’onda!
Duru-duru, Visino-rotondo!
Quante notti, dolce stella,
nel vederti passeggiare nel cielo
mi è venuto il desiderio
di dirti che sei bella!
Duru-duru, dolce stella!
Nei giardini non c’è rosa
che abbia il tuo profumo!
Non esistono Scarabee
affascinanti come te!
Duru-duru, non c’è rosa!
Se di notte in quest’aia
arrotondo piccole palline,
sappi che non lo faccio
per le Scarabee… consolati!
Duru-duru, in quest’aia!
Adesso sai ciò che desidero,
quello che chiedo ancora alla vita…
di poter ripetere:-O divina,
t’amo, t’amo, t’amo e t’amo!
Duru-duru, ciò che desidero!
Ma cosa sto dicendo?
Perdonami, o santa Luna!
Non adirarti, sii buona con me…
stavo scherzando, te ne sei accorta, vero!
Duru-duru, cosa sto dicendo!
Tutto ad un tratto il cervello
mi è proprio scoppiato!
Un piccolo Scarabeo
si è innamorato della Luna!
Duru-duru, oh, il cervello!
Tu bella ed avvenente,
tonda, grande, d’argento e d’oro!
Io, invece, nero come un moro!
Tu nei Cieli, io nelle tane!
Duru-duru, bella e avvenente!
Va’ pure, va’, cara sorella,
perdona questo povero Scarabeo!
Ti prometto che non oserò più avanzarti
proposte come
quella di poco fa!
Duru-duru, cara sorella!
E così dicendo riprese
ad arrotondare la pallina;
chinò la testa…
avrebbe voluto proprio sotterrarsi!
Duru-duru, ad arrotondare!
Ma le disse la padrona
della notte col cuore in mano:
-Non era galante come te
il Sole, anima buona!
Duru-duru, la padrona!
Se potessi scendere
dal cielo fino alla terra…
avrei voluto proprio abbracciarti!
Questa mia, però, è solo una chimera!
Duru-duru, se potessi!
Scarabeo nericcio,
tu dentro il mio cuore
hai rinfocolato sogni d’oro!
Sii sempre benedetto!
Duru-duru, scarabeo nericcio!
Se domani sera ritorni qui,
vedrai che ci sarò anch’io:
non vergognarti, chiamami,
sappi che m’interessi solo tu!
Duru-duru, domani sera!
Così fino allo spuntar dell’alba
potremmo discutere in santa pace!
Addio! - E un bacio
le mandò la Regina!
Duru-duru, fino all’alba!
Duru-duru, duru sia…
il racconto è finito !
Antoneddu si è addormentato
e la zia è per davvero contenta!
Duru-duru, duru sia!
Sia duru, duru-duru…
questo è un racconto per bambini,
lune e piccoli scarabei
e finanche… per Persone adulte!
Sia duru, duru-duru!
|
