ROMÀNGIA
1982
V^ Editzione
1^ Prémiu (ex aequo)
PEDRAS DE FRUNDA
Sa luna cantu mai accolostrada
in umbras de minetta
subra sos rujos lidones s’isgazat,
bettat prata in sos rattos de s’olia.
Abbas de nou buluzadas trazat
su riu a bentre russa.
In s’ànima mia
che bisu columbas a bolu attraessan
su càlighe immensu isteddadu…
Cannighinas nieddas de fele fungudas
in sa notte chi falat niedda e funguda!
…E bolat torra sa columba nida
chirchende addescu e nidu
subra sa terra nuda.
Pedras de frunda sos montes isperran,
intronan in chelu…
E addae
repiccos de morte a disputa s’inzerran…
Oddeu!
Curride!
Accudide!
Sun giagarende a pedra ‘e frunda
sa rùndine-sorre
assussegada tzotzende in sa grunda.
Ahi sa tanca tuddida ch’isparghet
fiagu ‘e terra!
Ahi s’ispìdinu sonu ‘e sa corra
ch’intro sas baddes pigat soberanu
e de ‘oghes sa tanca atzendet torra!
Bajanas ispigas, manzanos
de usciareu in fiore!
Sun giagarende a pedra ‘e frunda
sa rùndine-sorre
tzotzende in sa grunda.
Baddijos mudos de pedra lanosa
boltulados che tatza a bucc’a terra.
In punta ‘e su Gòlgota ogni die
novellos pilatos incravan su Fizuu.
Ma tando: e aite
millènnios mannos de connoschimentu
an assulcadu ‘e sa terra su chizu?
E deo creia de aer in sinu
seguras fiamas lughentes,
in sa mente annuzada unu solu caminu.
Fiorit su péssighe a dogni ‘eranu
e mudat sas fozas su chercu:
e chie podet in s’unda chi curret
buffare duas boltas de un’abba?
Furcas sididas de laru e de oro,
isterren alzolas de ruinzu,
nd’istudan sas faches in coro.
E deo creia de aer in manu
solianas baddes-puntorzu
e cun issas su chelu isbentrare
pro fagher piòere abbratzos.
Fintzas s’isteddu pius tentu a oju
intzertu s’aumbrat, a boltas.
Ch’an giagaradu a pedra ‘e frunda
sa rùndine-sorre…
Boghes de chertu làmpinat sa grunda…
Un’arcu paradu de manos unidas
s’altzat in sas aeras allummadas
làccanas noas ammustrende attesu…
Sos càntigos mios apporro a sa grunda
umpare a sa rùndine-sorre
chi tzotzit e amat
cun s’ala ferida abbratzada a sa frunda.
A lampalughe un’isteddu mi giamat…
Giovanni FIORI
Ittiri - (SS)
|
PIETRE DI FIONDA
La Luna, splendente come mai,
si scioglie in ombre minacciose
sui rossi corbezzoli
e inargenta i rami dell’olivo.
Il fiume, ingrossato oltremisura,
trascina torbide acque.
Nel mio animo,
come in un sogno, vedo colombe percorrere
l’immensa volta stellata…
Nere voragini di fiele
nella notte buia e profonda!
…E riprende a volare la bianca colomba
alla ricerca del cibo e del nido
sulla nuda terra.
Le fiondate spaccano le montagne,
sibilano nel cielo…
e in lontananza
tristi rintocchi di morte si rincorrono a gara…
Oddio!
Correte!
Venite!
Stanno scacciando a fiondate
la rondine-sorella
che cova tranquilla sotto la gronda.
Ahi, come profuma di terra
la tanca in germoglio!
Ahi, com’è pungente il suono del corno
che sovrano rintrona nelle valli
e rianima di voci la tanca!
O spighe novelle, o mattini
di asfodeli in fiore!
Stanno cacciando a fiondate
la rondine-sorella
che cova sotto la gronda.
Mute colline di rocce muschiate
stan riverse come una chicchera.
In cima al Golgota ogni giorno
nuovi pilati crocifiggono il Figlio.
Ma allora: perché
lunghi millenni di certezze
hanno scavato il volto della terra?!
Ed io credevo di aver raggiunto
sicure certezze di luce,
la strada giusta nella mia mente imbronciata.
Fiorisce il pesco ad ogni primavera
e la quercia muta le sue foglie:
e chi, nell’onda che scorre,
può bere due volte la stessa acqua?
Forcoli assetati d’alloro e di ricchezze
spandono aie di ruggine,
sotterrano le speranze nei cuori.
Ed io credevo di avere in mano
solari idee-pungolo
con le quali sventrare i cieli
per far piovere abbracci.
Finanche la stella pià ammirata
si adombra, a volte.
Hanno scacciato a fiondate
la rondine-sorella…
Voci di ribellione
si alzano dalla gronda…
Un arcobaleno di mani affratellate
si staglia nel cielo infuocato
indicando in lontananza nuove frontiere…
Porgo le mie canzoni alla gronda
insieme a quelle della rondine-sorella
che cova ed ama
con l’ala ferita che abbraccia la fionda.
Ammiccando una stella mi chiama…
tmR
|
