ROMÀNGIA 1982 - V^ Editzione
1^ Prémiu (ex aequo) – Sez. Silloge

OUVERTURI PO DEXI BALLADAS

di Efisio COLLU
-Iglesias (CA)-

OUVERTURE

Deu mi pigu comenti seu.
No tengu curpas mannas
de ‘nci calai.
Rennegu, prexu,
oi nci sunti, cras
interraus.
Tottus is malis chi pateus
àturu non sunti
che murighìngius de su ciorbeddu.
Deu mi pigu comenti seu
cunvintu ca cras
potzu éssiri mellus,
e no mi càstiu
in su sprigu de is àturus
po su sabori
de mi biri diversu.
M’arrégolu diaci
lìberu in dogna fueddu,
cun su coràggiu de nai
puru su beni scarésciu.
Sa beridadi
no est sa luna chi tremit
in logu ‘e funtana,
est sa pròpria vida nosta
impresonada
in unu casteddu de fueddus:
a nosus, duncas,
cérriri fueddu po fueddu
po dda liberai.
E non bengheas a mi nai
ca oi est s’ómini chi nascit
diversu
e ca sa curpa de tottu
est sémpiri de is àturus.
Poita non circai, intzandus,
de si conosciri mellus?!
Fortzis in sa vida
nudda est postu aici attesu
de non ‘nci podi arribai.

DOLORI

Dolori:
nottesta puru
non m’as iscarésciu.
Cumpàngiu fridu
de nottis longas
e sbuidas de sonnu,
ancora a tui deppu
is arremólius de su coru.
Cras puru, fortzis,
m’as a lainai su pettus
a ghirigoru
e de custu ge no tind’ap’a
torrai gràtzias.
Oh, dolori…
Luna primósiga de prim’Atóngiu,
ormai de mei
conoscis tottus is intradas.
Cun s’ispada tua ‘e fogu
ses che unu spraberi
de mesu istadi
in is arremasùlius de un’amori,
prenu sceti de arreghèscias.
E immoi
cun agus de frius
m’obbilas su coru
e t’arrefegas de mei
in is laberintus de s’ànima.
Ohi, dolori…
mind’as pigau sa paxi
po sa luxi de duus ogus
chi non fatzu che arregordai.

POESIA

Poesia, poesia:
cun cal’àturus ogus
t’emm’a deppi’
torrai a liggiri,
po no agatai prus
cosas de mi deppi’
perdonai?!
Custu ti morigai
e ti destruggi,
parit
ma no est sa passioni mia.
Po sa stima chi ti portu,
su coru miu s’est fattu
fintzas troppu dilicau.
E tui
sighis a mi cunfundi
sa punta de sa pinna,
no scoviendurì mai
in tottu sa beridadi!
Oh, poesia…
est sceti un’ora fàidi
chi po tui
apu meda suffriu,
e immoi
is fueddus tuus
non parint prus is mius…
Ohi, poesia:
si diarerus ses tui
su sprigu de s’ànima…
Deus miu!
Cal’est, duncas,
sa bera facci tua,
ànima mia?!

OUVERTURE

Io mi prendo per quel che sono.
Non ho grandi colpe
da dovermi perdonare.
Rabbia, allegria,
oggi ci sono, domani
non più.
I mali che ci affliggono
altro non sono
che angustie del cervello.
Io mi considero per quel che sono
certo che domani
potrò anche essere migliore,
e non mi guardo
nello specchio degli altri
per il solo gusto
di vedermi diverso.
Mi accetto così,
libero in ogni parola,
col coraggio di dire
finanche il bene dimenticato.
La verità
non è la luna che tremola
nelle fonti,
è la nostra stessa vita
imprigionata
in un castello di parole:
a noi, dunque,
(il compito) di vagliare parola per parola
e darle la libertà.
E non venite a dirmi
che oggi l’uomo nasce
diverso
e che la colpa di tutto
è sempre degli altri.
Perché non tentare, allora,
di capirci meglio?!
Forse nella vita
niente è così lontano
da non poterci arrivare.

DOLORE

Dolore:
neppure stanotte
hai voluto dimenticarmi.
Gelido compagno
di lunghe notti
di veglia,
debbo ancora a te
i capricci e gli affanni del mio cuore.
Forse anche domani
verrinerai ancora
il mio petto
ed è certo che di questo
non ti renderò grazie.
Ah, dolore…
Permalosa Luna settembrina,
conosci ormai di me
ogni sentiero.
(Avanzi) con la spada di fuoco
come sparviero
di mezza estate
sui resti di un amore,
consumato tra i rimpianti.
Ed ora,
con spilli di gelo
m’inchiodi il cuore
e ti sazi di me
nei labirinti dell’anima.
Ahi, dolore…
mi hai tolto la pace
che la luce degli occhi
insegue col ricordo.

POESIA

Poesia, poesia:
con quali altri occhi
dovrei
rileggerti
per non trovare più
colpe da dovermi
perdonare?!
Questo rimestarti
questo distruggerti
sembra
ma non è la mia passione.
È per l’affetto che ti porto
che il mio cuore
si è ingentilito.
Ma tu
continui a confondere
la punta della mia penna,
non appalesandoti mai
in tutta la tua verità!
Ah, poesia…
soltanto un’ora fa
ho tanto sofferto
per te,
ed ora
le tue parole
non sembrano più le mie…
Ah, poesia,,,
se veramente sei tu
lo specchio dell’anima…
Dio mio!
qual è , dunque,
il tuo vero volto,
o anima mia?!

                              tmR