FIZU!

(A fizu meu, Antoni)

Già t’amos disizadu, prenda ‘e oro,
a die e notte maicantos annos!
E cantas boltas cun suspiros mannos
a Gesu l’amos nadu dae coro :

-Danos su fruttu de su santu Amore,
sa vida nostra ilgiàrila de lughe !
Si cheres Tue, o Deus de sa Rughe,
in su desertu naschet su fiore !

No est obblìgu su chi Ti pedimos:
sa volontade Tua siat fatta
oe e sempre! In gosu o in suffratta
Tue dispone, nois T’obbedimos.-

Cantos Nadales in isettu, cantos…..
A s’àter’annu! – pensaia deo-
e rinnovende sa promissa:-Creo
che sempre in Deus, in tottu sos Santos.-

E repetiat sa columba mia
in su m’intender cun tonu serenu:
-A s’àter’annu Gesu Nazarenu
visìtat a Zuseppe e a Maria!-

A s’àter’annu! –naraimis tando
cun un’iscanzadedda, a manu in manu,
ambos cun fide, allegros che cando
ch’’essit s’ijerru e torrat beranu!

Pustis…. dies e chidas a sa muda
fintzas d’unu cunfidu birgonzosos,
de pèrdere sa fide timizosos,
d’’ider s’ispera nostra a moristuda!

Ma nos l’at Cristos sa gràscia accansada
cun Maria e Zuseppe narrer potto!
Fit Candelarzu de su Settantotto
cando l’amos retzida s’imbasciada.

A sos Tres Rese, che lughente istella,
(parias su Bambinu in cudda grutta!)
ti ses appresentadu e s’est allutta
sa domo nostra ‘e sa lughe pius bella!

Imbenujados ringratziende a Deu
beneighentes t’amos nadu:-Fizu!
Una ‘olta….. e duas….. in disizu
de ti repiter sempre:-Fizu meu!

T’amos basadu in fronte rie-rie,
sos pilos carignéndeti indorados
e pariamis nois cussa die
sos Tres de Betelemme ‘en’abbratzados!

Tue che cand’esseras in isettu
(t’aiat missu Deus cussa brama!)
a manu in cara at giamadu:-Mama!
e nos as postu su coro in apprettu.

Fizu ‘e s’Amore, disizadu Frade,
Deus ti diat e nos diat vida
finas a bider s’òpera cumprida
in unione, in paghe, in santidade.

E bae como, bae, craboleddu,
curre, brinchitta, gioga a su seguru.
Babbu tou est inoghe e a duru-duru
ti cantat e ti ninnat, puzoneddu !

FIGLIO!

(A mio figlio, Antonio)

Quanto ti abbiam desiderato, pegno d’oro,
giorno e notte, per parecchi anni!
E quante volte, sospirando,
abbiamo detto a Gesù col cuore:

-Dacci il frutto del santo Amore,
rischiara di luce la nostra vita!
Se Tu vuoi, o Dio della Croce,
nel deserto può sbocciare un fiore!

Non è un obbligo ciò che Ti chiediamo:
sia fatta la Tua volontà
oggi e sempre! Nella gioia o nella pena
Tu disponi, noi Ti obbediamo.-

Quanti Natali in attesa, quanti…..
Al prossimo anno! –pensavo-
e rinnovando la promessa:-Credo
come sempre in Dio e in tutti i Santi.-

E ripeteva la mia colomba
sentendo questa mia supplica, con voce bassa:
-Al prossimo anno Gesu Nazareno
visiterà Giuseppe e Maria!-

Al prossimo anno! – dicevamo allora
con un sorriso sulle labbra, mano nella mano,
entrambi con fede, contenti come quando
finisce l’inverno e ritorna la primavera!

Poi….. giorni e settimane in silenzio,
quasi vergognosi di scambiarci confidenze,
timorosi perfino di poter perdere la fede,
di vedere venir meno la nostra speranza!

Ma il buon Dio ci ha esauditi
e posso dire anche Maria e Giuseppe!
Era il Capodanno del Settantotto
quando abbiamo ricevuto la buona novella!

All’Epifania, lucente come una stella,
(sembravi Gesù Bambino nella grotta!)
ti sei mostrato a noi e si è illuminata
la nostra casa della luce più bella!

Inginocchiati, ringraziando Dio,
benedicenti ti abbiam detto:-Figlio!
Una …. due volte….. col desiderio
di poterti ripetere per sempre:-Figlio mio!

Ti abbiamo baciato sulla fronte sorridenti
carezzando i tuoi riccioli biondi
e sembravamo noi, quel giorno,
i tre di Betlem abbracciati!

Tu, come stessi aspettando quell’attimo,
(è stato Gesù a infonderti questa brama)
accarezzandole il volto, hai detto:-Mamma!
agitando oltremodo il nostro cuore.

Figlio dell’Amore, desiderato Fratello,
Dio ti dia e dia a noi lunga vita
fino a vedere quest’opera ultimata
in unione, in pace, in santità.

E adesso va’, piccolo capriolo,
corri, saltella, gioca in sicurezza.
Tuo padre è al tuo fianco e in grembo,
cullandoti, canterà per te, uccellino!