BIRIMBO’

Chentu caddos giua a bentu

chentu buttones de rosa

in sos pilos chentu olias

chentu e chentu e chentu ‘olos

birimbò.....si semus solos!

Chentu rios aundados

chentu soles tott’alluttos

de accisu chentu ojadas

chentu e chentu e chentu cantos

birimbò.....oh, it’incantos!

Chentu toccos de campana

chentu prellas de lentore

frinas chentu d’ajubore

chentu e chentu e chentu velas

birimbò.....ah, cussas melas!

Chentu risos de lidone

chentu rujos papaìles

lunas chentu in cada rattu

chentu e chentu e chentu ‘inos

birimbò....ojos divinos!

Chentu janas brinca-brinca

chentu antigas anninnias

d’abes chentu mele ‘e oro

chentu e chentu e chentu ‘enas

birimbò.....dulches cadenas!

Birimbò.....a chentu ‘oghes

birimbò.....a chentu chiterras

birimbò...a chentu istellas

birimbò.....a Demì mia

sa prus bella de sas bellas!

BIRIMBO’

Cento criniere al vento

cento boccioli di rosa

tra i capelli cento olivi

cento e cento e cento voli

birimbò.....quando siam soli!

Cento fiumi straripanti

cento soli incandescenti

di stupore cento sguardi

cento e cento e cento canti

birimbò.....oh, che incanti!

Cento squilli di campane

cento perle di rugiada

di vaghezza cento brezze

cento e cento e cento vele

birimbò.....ah, quelle mele!

Cento sorirsi di corbezzolo

cento papaveri rossi

in ogni ramo cento lune

cento e cento e cento vini

birimbò.....occhi divini!

Cento fate saltellanti

cento ninnananne antiche

miele d’oro di cento api

cento e cento e cento vene

birimbò.....dolci catene!

Birimbò....a cento voci

birimbò.....a cento chitarre

birimbò.....a cento stelle

birimbò....per Demì mia

la più bella delle belle!