L’AN MORTU A MESUDIE

L’an mortu a mesudie

cun una rosa ‘e sole.

In pettus l’est restadu

unu suspiru ‘e prumu.

In ojos duas tittas

prus manna de sa Luna.

...........

In sa pèlcia ‘e s’amore

chirchende fit dellìriu.

..........

L’an mortu a mesudie

cun una rosa ‘e sole.

Rosàrios de sonazos

in s’umbraghe ‘e sos chercos.

Urtinzos in sos littos

d’istrias e matzones.

Sas dentes a sos canes

nde ruen a s’appeddu.

.........

L’an mortu a mesudie

cun una rosa ‘e sole.

Ahi rosa, ite coraddu.

Ahi pettus, ite rosa.

Ahi pèlcia chen’amore.

L’HANNO UCCISO A MEZZOGIORNO

L’hanno ucciso a mezzogiorno

con una rosa di sole.

Nel petto gli è rimasto

un sospiro di piombo.

Negli occhi due seni

più grandi della Luna.

..…….

Nell’alcova dell’amore

cercava delizie.

..…….

L’hanno ucciso a mezzogiorno

con una rosa di sole.

Rosari di sonagli

all’ombra delle querce.

Abortiscono negli anfratti

strigi e volpi.

I cani, abbaiando,

perdono i denti.

...…….

L’hanno ucciso a mezzogiorno

con una rosa di sole.

Ahi rosa, che corallo.

Ahi petto, che rosa.

Ahi bosco senz’amore.