|
SA GHIGNA DE SA MORTE
Non ti nd’andes, Luna
fritta,
própriu in s’ora ‘e sa vinditta!
Sos Amantes millos cue
in affogu, fue-fue,
inghiriados che dannarzos
dae cane e canarzos!
Si non los iscóbias tue,
cuddos ch’’essin aterue
e donz’àteru bistentu
pro a mie est su turmentu
pius duru ‘e ‘aliare!
So istracca d’isettare
in sa posta, a falche in manu!
E su riu, da’ lontanu,
si durat s’iscurigore,
de sos passos su rumore
lis covaccat in sa fua.
Si non b’est sa lughe tua
cuddos sighin a s’amare
in sa tana,a bucca appare,
fintz’a bider s’avreschìda
ruja ‘e samben colorida!
Non t’ischides, furferarzu!
Custu est samben pro s’isgarzu
de sa Luna e no pro a tie,
de sa Luna chi su nie
fittianu at in su coro!
Drommi! Sònnia ranos d’oro!
Dae issos, frinighedda,
bae lestra e in cuedda
ti los serra sos lamentos,
sos suspiros, sos turmentos
d’un’amore fattu a fura,
che porcrabos in cresura
da’ sos canes apprettados,
a donz’ala inghiriados
dae leppas e fusiles,
dae chie sos attiles
bramat de lis fragassare!
O cun issos fue umpare
peri sos montes nieddos
o in su ludu ‘e sos laccheddos
sos pibios che los serra,
frinighedda, e los sutterra
sos dannarzos fattu appare!
(Che nervosa)
Ma sa Luna a s’accherare
no, non torrat….. no, non torrat!
|
IL CIPIGLIO DELLA MORTE
Luna fredda, non andar via
proprio nell’ora della vendetta!
Eccoli lì gli Amanti
in affanno, che fuggono,
circondati come dannati
da cani e battitori!
Se non li sveli tu con la tua luce
quelli scappano altrove
ed ogni attesa ulteriore
è per me il tormento
peggiore da sopportare!
Sono stanca di attendere
appostata, con la falce in mano!
Ed il fiume, in lontananza,
se persistesse questa oscurità
potrebbe coprire il rumore dei passi
dei fuggiaschi!
Se non c’è la tua luce
quelli continuano ad amarsi
nella tana, bocca a bocca,
fino allo spuntar dell’alba
tinta di rosso-sangue!
E tu, passero, non svegliarti!
Questo sangue è per la gola
della Luna, non per te;
della Luna che ha nel cuore,
costante, il gelo della neve!
Dormi! Sogna chicchi d’oro!
E tu, brezzolina, va’
da loro in fretta e nel tuo grembo
rinserra i loro lamenti,
i sospiri e i tormenti
di un amore fatto di nascosto
come cinghiali tra le siepi
pressati dai cani
circondati da ogni parte
da coltelli e fucili
di chi brama di fracassare
loro le cervella!
O fuggi con loro
per i monti oscuri
o nel fango delle pozzanghere
annega i loro gemiti,
o brezzolina, e seppellisci con loro
entrambi i dannati!
(Sempre più nervosa)
Ma la Luna non si affaccia…..
no, non torna….. no, non torna! |
